Ibiro bya Perezida wa Tanzania, byatangaje ko Samia Suluhu uyobora iki gihugu ari mu bazaherwaho bahabwa inkingo za COVID-19, ubwo zizaba zitangiye gutangwa. Biteganyijwe ko Perezida Samia Suluhu azakingirwa ku wa 28 Nyakanga 2021.
Tanzania igiye gutangira gukingira abaturage bayo nyuma y’uko ku wa 24 Nyakanga yakiriye inkingo za mbere yahawe na Leta Zunze Ubumwe za Amerika binyuze muri COVAX.
Kwemera gukingirwa COVID-19 kwa Samia Suluhu ni indi ntambwe ateye mu kugaragaza ubushake afite mu kurwanya iki cyorezo cyane ko ku butegetsi bw’uwo yasimbuye, John Pombe Magufuli, Tanzania yagiye inengwa kugenda biguru ntege mu guhashya COVID-19.
Kuva Samia Suluhu yajya ku butegetsi yashyize imbaraga mu kurwanya iki cyorezo, abaturage batangira gusabwa kwambara udupfukamunwa ndetse amakuru y’uko COVID-19 ihagaze mu gihugu yongera gutangazwa.
NIKUZE NKUSI Diane
